Markasanx Semana Santa ukax amtatarakiwa

Semana Santa ukaw amtasi

Semana Santa ukax  sapa maranjamaw amtata. Uka amtax  iglesia Católica uksankirinakaw ch'amanchapxi. Chiqas amtasiw Jesus de Nazaret  alaxpacha awkisana sap sapa yuqapana  t'aqhisiwipa, jiwawipa ukhamaraki jaktawipa.  Ukax  kunaymana markanakanx amtatapuniwa,  kunatix mayja mayja pachanakana amtapxi. Ukax  achuqa (marzo) phaxsimpit   qasawi (abril) phaxsimpitaw amtataxa.

Aka Bolivia markasansa ukhamarakiw amtata. Jisa aka amtawix jilpachax Iglesia Católica uksataw ch’amanchata ukasti phuqhasina kunaymana misas ukanakampi ukhamarakiw markachirinakax alaxpacha awkisana sap sapa yuqapax t’aqhisiwiyki ukhamaru t’aqhisiñatakix kayukis sarantapxaraki;  ukatx kawkiri markachirinakatix uka iyawsawi nayraru sartayapxi jupanakax challwa, k’anwa juk’ampinaka uka  viernes santo  urururunx manq’asiña yatipxi,  ukurux janiw aycha manq’apkiti.