Ch’uqi yapuw llamayuta

Aka urunakanx ayllunakanx waliw irnaqata

Kunaymana suyunakana yatitawa sapurunjama yapumpi ukhamaraki uywanakampi irnaqañaxa. Ukakipanxa aka pachanakanx khaysa suni uraqinakanx  ch’uqi yapunakax  niyaw irnaqataxa ukhamana ch’uqix llamaysutañapataki. Ukampis aka maranx uka amtawix  aka qhipha pä paqa urunakana  (semanas) ukhatwa qalltawayi.

Markachirinakax jilpachanix aka urunakanx jach’a markanakanaw qamasitaxi ukatx ayllunakanx jilir jila kullakanakakiwa jixatasxapxi. Ukakipanxa  aka jach’a markanakana qamasirinakax chiqas samart’aña urunakanawa sarawayapxi  uka yapuchawi irnaqawinakampi phuqt’añataki.

Jichha semana santa urunakanx  suni uraqinakanx askinaw  liwkhanampi ukhamaraki chuntillampi, inalmama akhullt’asisa, muxsa uma umxat’asa  yapunaka llamayupxi. Ukanx chiqas waljaniw kunaymana yapunakana jikxatasipxi. Ukanx ch’uqix  niyaw utjkaraki  yaqhipa chiqanakanx wali suma yaqhipanakanx janikiraki ukhamawa aka maranx ch’uqix utjawayi.Ukhamakipanx kullaka Julia Mamani suyu Pacajes uksankirix sarakiwa: “ ch’uqix walin jan waliniwa aka maraxa, kunatix juyphiw aynacht’awayxi ukhampachas utjaskiwa”.