El Alto markanx jutir urunakatx pa kamachi phuqhayañ wakichapxi

Jutir urunakatx El Alto markanx transporte público ukhamaraki gremial tuqinkirinakax pa kamachinakarjamaw irnaqawinakamp k'achañat phuqhañ qallarapxani, sawayapxiwa.

 

Aka urunakanx utjawin sit'antataw jikxatasiwaytana ukasti coronavirus sutin ñanqha usux jan piyatañapataki. Ukampis qullqix janiw manq'añanak alaqt'asiñatakis utxiti sawayapxiwa, ukhamakipanx juk'añat irnaqawinakamp phuqtxañ mayiwayapxi.

 

Ukakipanx El Alto markan irpirinakax sawayapxiwa, pa kamachinakaw wakt'ayata ukhamarjam phuqhasin transporte público ukatx gremiales uksankirinakax k'achañat jutir urunakatx irnaqawinakamp phuqhañatak mistapxañapataki. Ukasti COVID 19 usut jark'aqasisapuni, sawayapxiwa.