Alcalde municipal Escoma tuqinkiriw mä chhijin jiwawayi
Wasuru tunka llatunkani urunakakipana aka qasawi (abril) phaxsinx mä chhijiw utjawayi, ukasti Sisasani lumawjakis uka tuqinwa utjawayi. Uka chhijinx mä autuw niya phisqha tunka metros ukch’aru Escoma markata La Paz markakama jutañakisa uka thakhiwjana qurumt’awayatayna.
Aka chhijinx pani jiwatanakata yatiyawayapxi. Ukatsti transito uksankirinakax uka jiwatanakatx maynisti Alcalde Municipal de Escoma ukhamatapa yatiyapxi. Jiwatanakan sutinakapax akhamawa; Natalio Chino Mejía ukhamaraki Wilson Lima Quispe, aka qhiphirix autu apnaqirichispaya ukham qhananchapxi. Ukatx mayni usuchjata kunay utjchispa jupasti Eusebio Aliaga Condori satachispaya ukham kun yatiyawayapxi. Jupa usuchjatax qullayasiñ uta Hospital del Norte tuqin jikxatasi.
Jichhax transito uksankirinakax qhananchapxiwa, yatxatasiskiw kunjamatsa ukhama chhijix utjawaypacha. Transito uksankirinakax tantiyap`xiw inasa uka autu apnaqirix wali t’ijchispana ukat ukham chhijiru purchispa.