Radio San Gabriel tuqinx jiwasan manq’a phayt’atanaka uñacht’awayapxi

Jichhurux payiri qhathuw phuqhasiwayi
Friday, April 20, 2018 - 16:45

Centro de Educación Alternativo Permanente “A” Radio San Gabriel Departamento de Cultura Aymara tuqinx  machaqa kamachiru   yatichawi yatiqawina phuqhasinx,  nayra awichanakasana ukhamaraki achachilanakasana,  k’umara manq’anaka manq’asiña ch’amanchapxi. Ukhamakipanx mimarataw jupanakax aka radio tuqinx  mä qhathu wakt’awayapxi, ukasti jiwasanakana manq’a phayt’atanakasa uñacht’ayañataki. Taqi ukanakax k’umaraki sapa maynis jakasiñataki.

Ukakipanx jichhuru pä tunka urunakakipana aka qasawi (abril) phaxsinx kawkhantix Radio San Gabriel ut’atakis ukawjanx payiri qhathumpiw phuqhawayapxi. Ukansti nayra awicha achachilanakasana  manq’a phayt’atanakapa uñacht’awayapxi. Uka payiri qhathunx utjawayiwa:  challwa waja, k’ispiña, siwar k’utucha,  juk’ampinaka.

Ukanx yatichiri Clemente Mamani Laruta sawayiwa, “…nanakax ukham amtawinakx ch’manchasipkakiwa ukhaman nayra yatiñanakasa amthapiñataki…”.