Bolivia markax laram qutat mayiwipa qhananchawi tukt’awayi

Bolivia markax jichhurux Haya tuqin laram qutat wasitat qhananchawayi

Bolivia markax mä qhawqha pachanaka kimsa urunakana Khaysa Holanda Haya markana laram quta tuqit mayiwipata qhananchawayi. Uka qhananchawinakax kimsa urunakana phuqhasiwayi, tunka llatunkani urukipana, pä tunka urukipana ukhamaraki jichhuru pä tunka suxtani urukipana aka achuqa (marzo) phaxsina phuqhataw utjawayi.

Uka qhananchawinx Bolivia markax uñacht’awayiwa kunjams Chile markax jani amtawinaka laram quta tuqit Bolivia markampi phuqki, ukatsti Chile markana laram qutat utji Bolivia markampi phuqhaña. Maysatx kunjamas Chile  markax kuntix Bolivia markax sixa ukanaks janiw chiqapakiti inas aruskaspa ukhamsa uñtayañ munawapxi uksa qhananchawayapxarakiwa. Bolivia markax laram quta mayiwix mä derecho ukhamatapa ch’umstäwayi.

Laram quta tuqit Bolivia markan qhananchañapax tukuwayiwa.  Jichhax jutiri pä tunka kismaqallquni urukipana aka achuqa (marzo) phaxsinx Chile markaw qhananchawipa tukxatayani. Ukatxa kimsa phaxsinakanaw Corte internacional de Justicia uksankirinakax kunjams ut’ayapxi fallo satakis ukanakat qhananchapxani.