Chukiagu markat Copacabana markakam sarir thakhi sit'antapxi

Wasurutpachaw

Provincia Manco Kapac ukanaw Tito Yupanqui ukax jikxatasi. Uksanx Titicaca quta iramanaw qamasipjixa. Ukakipanx  uka quta maykipàñatakix lanchas, botes satakis ukanakaw autunaksa ukhamaraki markachirinaksa mä tuqit mä tuqirux maykipayapxi.  Jichhax aka qhipha urunakanx  uksa tuqinx  mä  autuw  umar mantawayxi. ukampis ukham chhijinakax mä akatjamatx utjakipuniw sawayapxiwa.

Ukhamakipanx khitinakatix Tito Yupanqui tuqin qamasirinakax  wasurutaw  thakhi sit’antawinakamp sarantañ amtawayapxi. Jupanakax kawkir thakhitix Chukiagu  markat Copacabana markakama sarki ukwa sit’antawayapxi, jichhurumpis sit’antatakiskiwa. Ukampis mayipxiw uka Estrecho de Tiquina ukanx mä jach’a chaka lurasiñapa,  ukhaman jan juk’amp chhijinaka utxañapataki sawayapxiwa. Uka tuqin irpiri Juan Velasco sarakiwa: “Janitix ist’atapkax thakhi sit’antawinakax utjaskakiniwa, kunatix jaqix phiñasitawa ukampis uka chakax aka Provincia ukchpacharuw yanapani”.