Milton Barón jupaw Senado Nacional tuqin irptxani
Markasanx Asamblea Legislativa Plurinacional ukanx pä tuqir jaljatawa. Mayax Cámara de Senadores ukatsti mayax Cámara de Diputados ukhamaw utt’ayata. Uka tuqinx Senado Nacional taypinx jilata José Alberto Gonzales jupaw irptana, ukampis aka qhipha urunakanx jupax janiw irptxati sasinaw mä renuncia uñt’ayawayxi, ukax wilamas taypin kunayman amtawinaka askichañ utjatapata sawayarakiwa.
Ukhamakipanx jichhuruw yatisiwayxi machaqa irpirix Senado Nacional tuqinx Milton Barón jupatapa. Jupasti khaysa Chuquisaca markatawa. Uka amtax mä tantachawi utjatapata marka irpirisa, sullka marka irpiri ukhamaraki jefes de bancada Movimiento al Socialismo uksankirinakampi maykipatatwa ch’umstawayi sasinaw uka partido político tuqinkirinakax yatiyawayjapxi.