Bartolina Sisa awichasan yuriwip amtapxani

268 maranaka

Historia tuqirjamax Bartolina Sisa Vargas jupax pä tunka phisqhani urukipana llumpaqa (agosto) phaxsina, mä waranqa paqallqu pataka tunka phisqhani marana  (1750) khaysa Provincia Loayza Caracoto tuqina yuriwayatayna. Jupax  José Sisa ukhamaraki Josefa Vargas jupan phuchhapawa. Bartolina Sisa jupasti inalmama ukhamaraki  kunayman p’itatanaka, sawutanaka aljasin irnaqiritayna. Julián Apaza jupampiw jaqichasiwayi. Historia tuqix aymar marka layku ch’axwawayatapata qhananchapxi. Jupax mä waranqa paqallqu pataka kimsaqallqu tunka mayani (1781) maranx  phisqha waranqa  markachirinaka p’iqiñchawayatapa Panpajasi tuqin Español jaqinakar saykatañataki Chukiaju marka muyuntasina yatiyapxi. Ukhamakipanx kunayman ñanqhachawinaka katuqatapa yatiyapxi, ukatx mä phisqha urukipana sata qallta (septiembre) phaxsina mä waranqa paqallqu pataka kimsaqallqu tunka payani (1782)  maran jiwatap qhananchapxi.

Ukhamakipanx jutiri pä tunka pusini urukipana llumpaqa (agosto) phaxsinx pä pataka suxta tunka kimsaqallquni (268) maranaka yuriwipata  khaysa Provincia Loayza Ocuiri tuqina amt’apxani. Uka amtawix askinaw kullakanakamp chikt’ata amtatani sasinaw yatiyapxi. Ukampis uka pachpa qamasapax taqi kullkakanakan chikañchasi sawayapxiwa. Ukharusti aka jutiri sata qallta (septiembre) phaxsinx jiwawiparakiw amtatani sasinaw yatiyapxi.