Kunayman jan wali usunakat jark’aqasiñatakix amtawinak phuqhañ wakichapxi

Ministro de Salud Rodolfo Rocabado yatiyawayiwa, markachirinakaruw kunjamas aka markasan obesidad satakis ukax utjaski ukanakat jiskt’atani.  Ukasti  uka jan wali usunakat jark’aqasiñataki, kawkirinakatix Bolivia markasan markachirinakar aynacht’ayi ukanakat tuwaqasiñataki. Pachpa irpirix yatiyawayiwa, aka jutiri sata qallta (septiembre) phaxsin uka amtax phuqhasiñapa, ukhaman jutiri taypi sata (octubre) phaxsinx   kunjamankaskis ukanakatx yatxañasataki..

Ukatsti Ministerio de Salud uksankirinakax yatiyapxiwa, Bolivia markasanx  sapa pataka  wawaniri kullakanakatx phisqha tunka paqallquni jila kullakanakax obesidad  sata lik’intawimpipxatapa. ukhamaraki sapa pataka  janir phuqkiri phisqha mararu  tunkanix   wali lik’ipxatapa, ukasti obesidad ukampipxatapa.