Juphax Jalsuri tuqinx 200 hectáreas ukch’aru achuyatawa

Comunidad Jalsuri tuqinx jupha achuyapxi

Khaya maranakatpachaw jupha achux achuqayata aka Qullasuyu uraqisana. Aka achux uka suni uraqinakana achuqt’ixa. Ukampis jupha manq’asiñax askiwa, kunatix k’umara jakasiñarus ukhamaraki janchi tuqis ch’ullqhiñatakix manqt’asitapuniwa.

Jichhax aka achunakax kunaymana suni uraqinakana achuyataxa. Nayriri maranakanx aka achun chanipax jilanwa jichhax iraqtawayiwa ukhampachas aka juyrax jilpachax aka suni thaya uraqinakanx achuyatakiskiwa. Jichhurunakanx niyaw yaqhipa chiqanakanx aka juyra apthapiñatakix irnaqjapxi.

Jichhax aka departamento de La Paz ukax suyu Gualberto Villaroeltuqinx   comunidad Jalsuri ukanx pä pataka hectáreas ukch’a uraqina jupha achu yapuchrantawayapxi.   Jichhax jupanakax niyaw aka juyra apthapiñatakis tantiyapxi. Uka comunidad tuqin qamasirinakax sawayapxiw  wali askinaw achuqt’awayi.  Uksa tuqitx  sub gobernador suyu Gualberto Villaroel tuqin irpiri Wilfredo Mamani sawayiwa: “ aka jupha yapuchawix uka comunidad tuqin qamasirinakatx paqallqu tunka jila wila masinakaruw yanapani “.