Yatichawinakax jutiri 4 urukipana anata phaxsinaw qallarawayxani

El Alto markana
Martes, Enero 8, 2019 - 17:06

Yatitaw markasanx  sapa mara qalltanx wawanakaru yatiqaña utanakaru qillqantayaña pachax  utjatapa.  Jichha pä waranqa  tunka llätunkani maranx  aka markasanx  kunaymana yatiqaña utanakanx jutiri  tunka pusini urukipana  chinuqa (enero)  phaxsina  qillqantawinakax  qallantañapaw wakichata sasinaw   yatichawi yatiqawina irpirinakax  yatiyawayapxi.

Ukhamakipanx Director Distrital de Educación El Alto 2  tuqina irpiripa kamayu Willy Zurita  sarakiwa: “uka qillqantawinakatakix aka  El Alto 2 tuqinx janiw kunakipans siqisiwinakas ukhamaraki  payllawinaka mayiñanakas utjañapakiti ukanakax uñakipataniwa”, sasinaw arsuwayi. Ukharusti pachpa irpirix  yatiyawarakiwa aka  El Alto markanx  jutiri pusi urukipana anata (febrero) phaxsina  yatichawi yatiqawinakax  qallarañapataki yatiqaña utanakana  wakichata utjatapa.