Desayuno escolar ukax aka maranx phuqhataruw phuqhasini sawayapxiwa

El Alto markana
Martes, Enero 15, 2019 - 15:57

Sapa maranjamaw aka markasanx  yatiqañ utanakanx  yatiqirinakarux  desayuno escolar satakis uka junt’umitax luqtataxa. Jichhax ukanaka ukhamaru phuqhasiñapatakix  Municipios ukanakanaw uñakipat utji  kunjamarus qullqix irtatani sasinaw Ministerio de Educación tuqin irpirinakax qhananchapxi.

Ukhamakipanx,  jichhamarax El Alto markanx ukhamarakikiw desayuno escolar sata junt’umitax  taqi yatiqiri wawanakarux luqtatäni sarakiw Comisión de Educación y Cultura ukana Concejo Municipal El Alto markana irpiri  Concejal Edgar Calderón sawayixa.  Ukampis pachpa irpirix qhananchawayarakiwa,  ukatakix kimsaqallqu llätunkani  millones bolivianos qullqiw irtatäni sasinaw arsuwayi, ukasti nayriri uru wawanakax yatiqañ utanakaru kut’xapxani ukhatpach  qalltasin  uka yatiqawinak tukt’ayañkama, ukhaman jan mimaranakjam qhipharstawinakax utjañapataki sasinaw yatiyawayi.