Jach’a yatiqañ utanakan yatintirinakax irnaqawinipxañapatakix mä wakt'awi thakhiñchapxi

El Alto markanx
Jueves, Abril 11, 2019 - 14:57

El Alto markanx  walja wayna, tawaqunaka ukhamaraki  jila, kullakanakaw uka jach’a yatiqañ utanakanx yatintapxi  kunayman  carreras satakis ukanakana. Ukhamakipanx  jupanakax aka urunakanx  uka jach’a yatiqañ utanakat mistxasinx  janikiw  jasakix irnaqawix jikxatatakiti sawayapxiwa,  ukataw  mä wakt’awix thakhiñchata ukhaman akxarunakanx kamachixañapataki ukhamat uka taypix yatiqirinakax  pasantías satakis ukanak phuqhasinx irnaqxañatakix  ukax  pä maras irnaqkaspa ukham uñt’ataxañapataki, sasaw qhananchawayapxi.

Aksa tuqitx khitinakatix tamacht’asitapki EL Alto markana  kunayman  jach’a yatiqañ utanakan yatintirinakax  Movimiento al Socialismo uksa tuqirus ch’amanchapkipanx  Rubén Fernández irpirip tuqix sawayapxiwa:   “…uka wakt’awix  kunkañchayataskiwa, ukampis aka urunakanx  uñakipataskiw ukataw  sumañat   Asamblea Legislativa Plurinacional ukarux  puriyataxani ukhaman  kamachixañapataki…”.