Intendencia Municipal uksankirinakax jan askin aljat challwanakaw aparat utjawayi sawayapxiwa

Aka urunakanx yatitaw  markachirinakax santurukipanx  challwa alaqt’asisinx  phayt’asiña  wilamasinakamp  qamart’añataki. Ukhamakipanx khitinakatix EL Alto markan Intendencia Municipal uksankirinakax mä akatjamat puriwinakampiw chikañchasita challwa aljañakis ukawjanakan sasinaw yatiyapxi, kunatix  challwax askin aljatañapawa  ukhaman  markachirinakan k’umar jakañapax yäqatañapataki.

Ukakipanx  walja kilos challwanakaw jichhakamax aparat utjawayi sawayapxiwa. Chhamanthix ukham  mä akatjamat puriwimp sarantapkipanx  kikiparakiw   thusktat challwanak aljatakipan aparat utjawayi sasinaw qhananchapxi. Ukatx yatiyawayapxarakiwa, jatha challwanaka uka kipkaraki pejerrey  q’illu samin  wich’inkhaninakaw aljata utjatayna, ukanakax markachirinakan k’umar jakañaparux aynacht’ayiwa ukataw aparat urjawayi, sasaw arsuwayapxi. Aksa tuqitx Capitán Rudy Saavedra Intendente Municipal  El Alto  markankirix sawayiwa: “ Chhamanthix phisqha pata jila  kilos  q’illu samin wich’inkhani pejerrey ukanakaw aljatakipan  aparat utjawayi”.