Mä qhathu wakicht’apxi amparamp lurt'atanak uñacht’ayañataki

Aka markasanx walja kullaka jilanakaw amparamp lurt’atanak akhamata:  kurpiñunaka, lluch’unaka,  wayaqanaka, mantanaka juk’ampinak irnaqañ yatipxi. Ukampis jupanakax juk’amp ch’amanchatapxañapatakix kunayman qhathunak wakichañ amtataw sasinaw markasan irpirinakax qhananchapxi. Ukampis irnaqirinakax uka amparamp lurt’atanakax  janikiw anqax markanakat puriyanit yänakampix yäqataxisa chanipax jilpachatapata sawayapxiwa.

Jichhax amparamp irnaqatanak  ch’amanchirinakar nayrar irpsuñatakix aka jutiri  tunka paqallquni uruta aka llamayu (mayo) phaxsit qalltasin  jutiri tunka paqallquni urunakakipan  mara t’aqa (junio) phaxsikamaw  uka qhathux EL Alto markanx phuqhasini sawayapxiwa. Uka qhathunx mä pataka jila kullaka jilanakaw kunayman irnaqatanak uñacht’ayapxani sasinaw yatiyawayapxi.