Carmen mamitat amt'asisinaw thuqt'asiwayapxi

Jichhurux
Lunes, Julio 15, 2019 - 16:04

El Alto markanx yatitaw sapa mara  aka pachanakax Carmen mamitat amt'asisinx thuqt'awinakamp chikañchasiña. Ukampis  jichhamarax uka kipkarakiw ukax phuqhasiwayi. Ukataw jichhurux   16 de Julio sutini zona tuqinx  uka thuqt'awix phuqhasiwayi. Suxta tunka payani tamanakaw thuqt'asiwayapxi, uka taypinx  nayra awichanakasan achachilanakan thuqt'awinakapas utjawayarakiw thuqt'asitaxa.Ukhamakipanx uka phunchhaw ch'amanchirinakax  uka amtawinakax  nayrarux sartayatakiskiw sawayapxiwa.  Ukatsti mä iyaw sawiw uka  amtarux utji  sasaw  ukan kunkanchayirinakax arsuwayapjixa.

Ukañkamax El Alto markan irpirinakax   mä Seguridad Ciudadana utjañapatakix   askinaw  irnaqatani sasaw qhananchawayapjixa. Ukatsti pallapalanakas ukanx kimsaqallqu patakaniw irnaqapxani sawayapxiwa.