Coronavirus sutini usux Bolivia markankiwa

Aka Bolivia markanx aka qhiphariri atur urunaw (martes) yatisiwayanx pani markachirinakax  coronavirus uka ñanqha  usumpi ñanqhachata jikxatasipxatapa. Jupanakax Italia markatxaya puriniwayapxchispana ukhamaw yatisiwayi. Uka qhiphatx ukhamarakikiw yaqha markachirimp uka usumpi ñanqhachatatap yatiyawayapxi. Ukampix kimsanixiw markachirinakax uka usump piykatatax sasinaw markasan irpirinakax  qhananchawayjapxi.

Ukatx jichhurunakax aka markasanx  juk’amp uka usump piykatatanakax inas utjaskakchispa ukham yatiyawayapxana . Ukañkamax aka urunakanx uka usump ñanqhachata  markachirnakarux janiw kawkharus jani juk’ampi piykatayapxañapataki  ukhamaraki qullasipxañapatakis  qhipharapxañapat jasaki katuqañ amtawayapkiti.

Ukakipanx, marka irpirinakax wasuruw yatiyawayapxi  jan yatichaw yatiqawinakas utjañapa aka phaxsi tukuskama. Maysatx janirak walja markachirinakas tnataxchasipxañapa ukat juk’amp amtawinak phuqhañ wakt’awayapxi ukhaman jan uka usump piykatataskañataki.