Fabrica tuqinakan irnaqirinakax walja fabricas jaktayaña amtapxi

Wasurux  aka uraqpachanaw irnaqirinakan urupax amtasiwayi. Ukakipanx irnaqirinakan urupa amt’añatakix  kunayman wakt’awinakx khaysa Oruro markanaw phuqhäwayapjixa. Ukanaw  jiliri marka irpirisax  mä kamachi  Ley de Empresas Sociales satakis uka ut’ayawayxi. Jichhax uka kamachi tuqix irnaqirinakax kuna pachatix mä empresa ukax aynacht’aspa, ukhamak jaytjataxaspa  ukhax jupanakax uka empresa jaktayaña amtapxaspa  ukax ukham phuqhapxaspawa.

Ukhamakipanx khitinakatix  fabricas tuqinakan  irnaqirinakax irpirinakap tuqix  sawayapxiwa, jichhax aka kamachirjam phuqhasinx nanakax aka markasan  walja fabricas ukanakas aynacht’atakipana ukatx ukhamaki jayjatakipanx ukanakx  jaktayaña amtapjaxa.  Ukhamarakiw sawayapjixa  janirakiw irnaqirinakax juk’amp jan irnaqawini  qhipharjapxaniti, kunjamatix utjawayana kunapachatix mä fabrica ukax aynacht’asina sit’antasiwayxana.