Provincia Muñecas tuqinkirinakax yatintawayapxiwa
Provincia Muñecas jikxatasiwa Departamento de La Paz aka Bolivia markasana. Uka markan jakirinakax yapumpi uywampi irnaqasinwa qamasipxi. Jupanakax sumana uka markana irptañatakix kunaymana yatxatawinaka utjañapa ch’amanchawayapxi. Ukataw wasuru kimsa qallqu urunaka maykipkipana aka llamayu (mayo) phaxsinx mä yatxatawimpi chikañchasiwayapxi. Uka yatxatawix uru jurnala ukhamaw El Alto markana phuqhasiwayi.
Uka yatintawinx kunaymana kamachinakata uñt’awayapxi. Aknirinakata yatintawayapxi: kawkir kamachitix utji Autonomía nayrar sartayañataki, jisk’achawinakata jukañchiri kamachita, kullakanakaru ñanqhachawinaka utjatapata juchanchiri kamachita, ch’uxña qullanakampi qullt’asiña tuqinakata kuna yatintawayapxi. Ukanx uka suyuna irpirinaka ukhamaraki yatichawi yatiqawina irnaqirinaka ukhamawa chikañchasiwayapjixa.
Uksa tuqitx uka suyuna qamasirinakax mayiwayapxiwa akhama yatxatawinakax juk’ampi ytjañapa, ukhamaraki uka yatintawinakax sapa ayllunakana utjañapa, ukhamana taqinisa yatintapxañapataki Provincia Muñecas nayrar irptañataki.