U.P.E.A. uksankirinakaw qhurum arsusipxi

Universidad Pública de El Alto jach’a yatiqañ utankirinakax  jichhurux  unxtasiwinakampi ukhamaraki thakhi sit’antawinakampiw chikañchasiñ amtawayapxi. Ukanakampix mayipxiw Ley 195 Coparticipación Tributaria sutin kamach mayjt’ayatañapa, ukhamarakiw aka mara jikstañataki qullqix aka jach’a yatiqañ utataki utjañap mayipxi.

Ukham mayiwinakampiw jichhurux Universidad Pública de El Alto tuqitx  yatichirinaka, yatiqirinaka ukhamaraki irnaqirinakax qhurump arsusipxi. Aknir tuqinakan thakhinak  sit’antawayapxi: Aeropuerto, Cruce a Viacha,  Peaje ukhamaraki Multifuncional. Mayiwinakapar ist’atañapkamaw unxtasiñ amtawayapxta sasinaw  yatiqirinakax arsusiwayapxi.