Suxta Tunka Kimsani Maranakanixiwa

Radio San Gabriel

San Gabriel amplitud modulada (A.M.)  radiox suxta tunka kimsani maranakaw aymar arusa sapürunjam wayra tuqi juk’ampi ch’amañchaski may maya chiqawjanakar purt’asina. Jichhax yamakis satélite uka kipkaraki  internet tuqinakaw  uraqpachan ist’atäxi.

San Gabriel radiox tunka phisqhani  urukipana achuqa (marzo) phaxsinaw mä waranqa llatunka pataka phisqha tunka phisqhani marana utt’asiwayi Peñas qarqa markana suyu Los Andes tuqina.

San Gabriel radiox jichhas, jutïrinakans aymar aru, aymar saräwi ch’amañchaskakiniwa ukjamat wawanakaru, wayna tawaqunakaru p’arxtayañataki jupanakax jan markapata, arupata, saräwipat armasipxañapataki.