Mä qhathu tuqix yatxatawin irnaqatanak uñacht’awayapxi

C.E.A. San Gabriel “B” mä qhathu wakt’ayawayi
Viernes, Junio 22, 2018 - 17:53

Centro de Educación Alternativa Radio San Gabriel “B” ukax  khaya maranakatpachaw yatichawi yatiqawi  ch’amanchasina irnaqawayi. Ukansti kawkiri  kullaka jilanakatix  inasa  jani yatichawi yatiqawinakampi sarantaña atiwayapki jupanakaw yatintawayapxi. Ukampis aksa tuqinx pachpa aymara arutaw yaticht’ataxa ukhaman jupanakax Bachiller ukham tukt’ayasin  jach’a yatiqañ utanakans yatintapxañapataki.

Ukhamakipanx  uksa tuqin yatiqirinakax jichhuruw, Radio San Gabriel ut’atakis tuqinx, mä qhathu wakt’ayasinx kunayman irnaqatanak utjawayki Área Técnica yatintawinakapana uñacht’awayapxi.  Ukanx  yapuchawi tuqina, p’itaña, ch’ukuwi tuqina juk’ampi tuqinakan yatxatatanaka uñacht’awayapxi.