El Alto markankiri Alcaldesax sapa 15 urunaka Fiscalía ukaru uñstañapa amtawayapxi

Kullaka Alcaldesa Soledad Chapetón  juparuw mä juchanchawi arkayawayapxi. Ukampis sawayapxiwa, Alcaldía  tuqinkir mä uraqix mayni markachiriruy maykipayatachispa ukanakax pachapar uñjatañapanwa sawayapxiwa. Ukhamakipanx aka  juchanchawx Diputado Rafael Quispe  jupat qallarataw utjana, jichhax wasurux jupax uka juchanchaw arkayawitx  jithiqtawayjawa sawayxiwa.

Ukampis aka juchanchawinakat  uñakipatañapatakix  kamachi phuqhayirinakax wasurutakiw  kullaka Alcaldesa jupar jawillawayapxi, ukatx  ukax jayp’u pachat qalltasinx  niya llatunka pachanakaw maykipawayi aru tuq qhananchawinakaxa. Ukampis ukax  jichhuru Paqallqu chikani qhantat pachakamaw mä  suyt’awir mantawayi. Ukatsti chharmanthix  kullaka Soledad Chapetón jupax jawillt’atarjamaw uka kamach phuqhayir tuqinakakar puriwayxi. Jichhax uka tuqit uñakipasinx kamach phuqhayirinakax amtawayapxiwa kullaka Alcaldesa jupax sapa tunka phisqhan urunaka  Fiscalía ukar sarañapa, Medios de Comunicación ukanakar jan ukat qhananchañapa, ukatx pä garante uñacht’ayañapa.