NACIONAL - MARKASAT YATIYÄWINAKA
Movimiento Al Socialismo 61,36% ukjampiw chhijlläwinakanx atipt’awayi
Publicado el 29/10/2014

Tribunal Supremo Electoral uksatx jichha mara 12 uru taypi sata phaxsin chhijlläwinakatx taqpacha jakthapisinx yatiyxapxiwa.

29 uru taypi sata phaxsinwa, Tribunal Supremo Electoral (TSE) uksatx taqpacha votonak jakthapisin markaru yatiyawayxapxi, ukampisa Evo Morales, jupan p’iqinchata Movimiento Al Socialismo (MAS) uka partido polĂ­tico tamaw 61,6% ukjampi atipt’awayi, ukatxa dos tercios voto Asamblea Legislativa Plurinacional uksanx jikxatawyapxi, ukampisa Cámara de Senadores-tuqinxa 25 irpirinakaniniwa ukjamaraki Cámara de Diputados uksanxa 88 irpirinakaniraki. Jichhax jupaw 2015 marat 2020 marakamax mayampi Bolivia marka irpxaruni; ukjarusti Samuel Doria Medina, Unidad DemĂłcrata (UD) uka partido polĂ­tico tamarakiw 24,23% ukjampi arktaraki, jupanakax 32 diputados ukjamaraki 9 senadores ukjaniniwa; kimsĂŻrinsti, Jorge tuto Quiroga, Partido DemĂłcrata Cristiano (PDC) uksankirirakaw 9,24% ukjampi arktaraki, uka tamax 2 senadores ukakikparaki 10 diputados ukjanirakiniwa; pusĂŻrinsti, Juan del Granado, Movimiento Sin Miedo (MSM) 2,71%; phisqhĂŻrinsti, Fernando Vargas, Partido Verde de Bolivia (PVB) 2,65%.

Tribunal Supremo Electoral uksankirinakax 16 urunwa 12 uru taypi satat phaxsin chhijlläwinakax apasiwaykäna uka chimputanak Bolivia markpachata ukjamaraki 33 anqa markanakata taqpacha jakthapiwayxapxi.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia