SOCIEDAD - MARKACHIRINAKTUQITA
Kuaa computadora apnaqañataki yatiqirinakax yatichatapxaniwa
Publicado el 30/10/2014

Gobiernox El Alto markan yatiqirinakax Kuaa computadora apnaqañ yatiqapxañapatakix mä amta qillqattuqi jaysawayi.

Khitinakati El Alto markan yatiqañ utanakan secundaria-tuqin yatiqapki jupanakax gobierno-tuqimpiw mä amtaru puriwayapxi ukjamat yatiqiri wayna tawaqunakax Kuaa computadora apnaqaña yatiqapxañapataki. Ukatakisti, brigadas informáticas estudiantiles tamaw utt’ayatäni yatiqirinakaru yaticht’apxañapataki.

Viceministerio de Producción Industrial ukjamaraki Federación de Estudiantes de Secundaria de El Alto uksankirinakamp tantacht’asisinxa, kimsa aski amtanakaruw mä qillqattuqi puriwayapxi: nayrïristi, Kuaa computadora askinjam uñjatañapataki; payïrinsti, brigadas informáticas estudiantiles utt’ayañataki; kimsïrinsti, secundaria yatiqirinakarux Kuaa computadora apnaqañ yatichaña.

Julio phaxsinaw Evo Morales, Bolivia marka irpirix sexto de secundaria yatiqirinakarux El Alto markan Kuaa computadora luqtañ qalltawayi, uksti empresa estatal Quipus uksan irnaqirinakaw kuna wakichäwinakti utjañapäki ukani sum tukt’ayat gobiernotuqirux apayxapxaraki.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia