CIUDADES - JACH'A MARKANAKTUQITA
Markan Jach’a Utapaw lurayataxani
Publicado el 04/11/2014

Casa Grande del Pueblo Jach’a Utax 28 altus utanakaniniwa.

Chukiyawu markanx Jach’a Utaw plaza Murillo jak’an lurayataxani, uka jach’a amta phuqhasiñapatakix Ministro de la Presidencia ukjamaraki Markan Jach’a Utapa lurir empresampiw mä qillqattuqi jilĂŻr Mallkuna, sullka mallkun, markachirinakan uñjkata jaysatäxi.

Evo Morales, jilĂŻr Mallkux yatiyawayiwa, Palacio de Gobierno ukax mä Monumento Colonial ukhamaw qhiparawayani, kunatix aka utax Europa markat apanit chimpunakamp chimpt’atawa, janiw Tiwanaku chimpunakamp chimpt’atäkiti, jiwasa aymaranakax janiw nayrapachax aka utarus mantanipxirikayatanti, ukataw jichhax yaqha Markan Jach’a Utapax lurayatäni, sasinwa yatiyawayi.

Maysatxa Eugenio Rojas, Senado irpirjamax qhanañchawyarakiwa, Markan Jach’a Utapax Gobiernumpi ukjamaraki markachirinakamp jikisiñatak utaniwa, ukjamat taqinis mayacht’at askin qamasiñataki. Aka utax Tiwanaku chimpunakamp chimpt’ataniwa ukjamarus nayrapachan jila kullakanakasax markaslayku wila wartawayapkatayna jupanakan ajanupaw ukankani, sasaw markarux yatiyawayi.

2015 maranwa, plaza Murillo jak’an Markan Jach’a Utapax lurañ qalltatäni, 28 altus utanakaniniwa, ukatxa pä maranwa tukuyapxani, uka Jach’a Uta patxanx jilĂŻr Mallkun yaqha markanakar sarañapataki, HelicĂłptero sayt’añapas utjarakiniwa; qullqix 33 millones de dĂłlares ch’uxña qullqiw irtatäni.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia