CIUDADES - JACH'A MARKANAKTUQITA
8.835 yatiqir wayna tawaqunakaw Kuaa computadora katuqawayapxi
Publicado el 05/11/2014

Chukiyawu markanx 8.835 sexto de secundaria yatiqir wayna tawaqunakaw Kuaa computadora katuqt’asiwayapxi.

5 uru lapaka phaxsinx 151 fiscal ukjamaraki convenio yatiqañ utanakataw estadio Hernando Siles anatañ chiqan Chukiyawu markan tantacht’asiwyapxi ukjamat portátil computadora katuqt’asiñataki, ukansti 8.835 sexto de secundaria jichha mara tukuyir yatiqiri wayna tawaqunakaw Kuaa computadora katuqt’asiniwyapxi.

Dr. Cesar Cocarico, gobernadorax yatiyawayiwa, khititix jan mä computadora, internet apnaqañ yatki ukax mä ipi wawäkaspas ukhamawa, jichhax sapa mayniw apnaqañx yatiqapxañasa, kunati aka computadoran utjirinakapax Bolivia markasan wakt’ayatawa, jumanakax sumpin aka equipunak uñjapxäta, sasinwa yatiqirinakarux iwxt’awayi.

Maysatxa, Evo Morales, Bolivia marka irpirix yatiyarakiwa, jichhapuniw computadora churañx qalltasipktana, qullqitix utjapxistäni ukjaxa, nayan amtajax primero de secundaria ukjatpach churañ munirista, kunati aka computadoranakax juk’ampi yatintañan yanapt’apxätam, ukwa markax mayiwayäna, ukaruw phuqhasipktana, sumpin uñjapxäta, jumanakan irnaqapxañamatakiw churatäpxta, sasinaw taqi yatiqirinakarux iwxt’ayawayi.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia