NACIONAL - MARKASAT YATIYÄWINAKA
XIII jach’a qhathuw ch’amañchir manq’añanak uñacht’ayañataki Chukiyawu markan utjani
Publicado el 06/11/2014

21, 22, 23 uru lapaka phaxsinaw tunka kimsanïri qhathux ch’amañchir manq’añanak uñacht’ayañataki Chukiyawu markan apasini.

Tunka kimsanïri Bio Bolivia jach’a qhathuw ch’amañchir manq’añanak uñacht’ayañataki utjani (Décima Tercera Versión Feria Nacional de Productos Ecológicos), uka qhathux 21, 22, 23 uru lapaka phaxsinaw Parque Urbano Central Chukiyawu markan apasini. Ukarusti, Bolivia markpachataw yapu yapuchirinakax purt’anipxani ukjamat jupanakan achuyatanakap uñacht’ayañataki ukjamaraki alxañatakisa.

Víctor Hugo Vásquez, Viceministro de Desarrollo Rural y Agropecuario, jupax yatiyawayiwa, Tunka kimsanïri jach’a qhathunxa, ch’amañchir manq’anakaw uñacht’ayatäni: juyranakatsipana jupha, jawasa, qañawa, tunqu yaqhanakampi; ch’uxña achunaka, muxsa achunaka juk’ampinaka; kawkirinakati jan kuna químico ñanqhachirinakamp achuyatäki taqi ukanaka. Ukarux niya 200 jila yapuchirinakaw Bolivia markpachat purt’anipxani, ukat jupanakax achunakapx alxt’asipxarakiniwa. Wakisiw jiwasanakax ch’amañchir manq’anak manq’t’asipxañasa, kawkirinakati jan kuna químico ñanqhachirinakamp achuyatäki ukanaka, sasinwa markarux qhanañchawayi.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia