CIUDADES - JACH'A MARKANAKTUQITA
800 wawanakaw Fundación Alalay uksanx jan kawksarus mistusa qamasipxi
Publicado el 07/11/2014

Fundación Alalay ukax internado ukhamawa, Bolivia markanx kimsa departamento-tuqinaw utji: Santa Cruz, Cochabamba, La Paz ukjamaraki El Alto markana. Uka internado utax 1990 maratpachaw kawkïr wawanakati jan awkini jan taykani jikxatasipki jupanakarux yanapt’xatayna, wawanakax pisin qamasiri jilat kullakanakan wawanakapaw uksankapxi.

Claudia Gonzales, Fundación Alalay uksan jilïripax yatiyawayiwa, jichhürux kusisitaw jikxatasipxta kunati SOBOCE empresan irnaqirinakaw aksar purt’anipxi, jupanakaw qunuñanaka, utanaka, anatañanaka, ikiñ utanak jiwak q’umacht’awayapxi, pinturamp jawst’asina ukjamarakiw ch’usawjanakarux panqaranak ayruntt’awyapxi, sasinwa kullakax qhanañchawayi.

Maysatxa Betty, Ana Gonzales, José María Tarifa wawanakax sapxarakiwa, mamitajax juykhuwa, janiw awkinïkti, wali pisin qamasipxayäta, ukataw chika arumpach utat jaltaniwayxapxta, Policía akarux irpanitu, ukatjamaw akan qhiparawayxta, janiw nänakax akat utarux sarapkti, mara tukuyakiw taykajax juti, ukampis walikiw akan yatiqasipkta, irnaqapxaraktwa.

Khitis Fundación Alalay ukarux yanappacha ‘quién apoya a la Fundación Alalay’

Claudia kullakax sarakiwa, estadux manq’añanakampiw yanapt’apxitu, jilpachax empresas privadas jupanakaw qullqimpi, manq’añanakampi, isinakampi, material escolar ukanakamp yanapt’apxitu, kunati pusi markanakanxa 800 wawanakaw utjxi, Huajchilla uksansti 54 wawanakaw utjapxaraki; ukat jilpachax Cemento luririnakaw yanapapxarakitu.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia