SOCIEDAD - MARKACHIRINAKTUQITA
1000 kullakanakaw kamachinakat yatxatañataki mayacht’asiwayapxi
Publicado el 10/11/2014

Kullakanakax 20 suyutpachaw kamachinak uñakipt’añatakix Banco Central de Bolivia uksan tantacht’asiwyapxi.

10 uru lapaka phaxsin Banco Central de Bolivia Chukiyawu markanx payïr jikthaptawiw kullakanakataki phuqhasiwayi, ukarux 20 suyunakataw niya 1000 jila kullakanakax purt’aniwayapxi, jupanakax Secretarios Generales, Centrales Agrarias, Justicia ayllunakapan irpirinakapxiwa.

Felipa Huanca, kullakanakan jilïr irpiri Tayka Mallku kullakax yatiyawayiwa, walja kamachinakat aruskipañatakiw mayacht’asipxta, nayraqatax kunjamas irnaqasipktana, yäqasiñax utjiti ukxata, ukatsti, Ley de Pensiones, suyunakan qamasirinakatakix utjpachati, ukampis mayni jila kullakax kunjams qullqi irasiñapa uk yatiñataki, ukjamarakiw SEDES uksankirinakarux jawillt’apxta k’umar jakañtuqit aruskipt’añataki.

Municipionakan Alcaldenakax janiw kullakanakarux qullayasiñtuqin yanapt’asipkiti, ukatjamaw kullakanakax cáncer de útero, yaqha usunakamp kuna jiwapxi, wali askispaw mä complementariedad utjañapa, Alcaldenakax janiw jilïr Mallkunakampis aruskipapkiti, ukatjamaw qhipartañanakas utjaraki, sasaw kullakax arst’awayi.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia