NACIONAL - MARKASAT YATIYÄWINAKA
Gobiernox mayampiw Chile markampi Silala umat aruskipt’ań amti
Publicado el 11/11/2014

Bolivia marka jilĂŻr irpirix mayampiw Chile markampix Silala umat aruskipt’añ amti ukjamat aski amtanakar puriñataki.

Khaya maranakatpachaw Chile markax inaki Silala umx apasiwayxi, jichhax wakisispaw mä qhawqha payllapxañapa, kunati Bolivia uraqinwa k’ila umax jikxatasi, ukampisa 2006-2010 maranx Michelle Bachelet kullakampix niyaw aski amtanakar puriñjamaskäna, ukatx yaqha irpirimpix janiw aruskipataxiti, pachparukiw qhipartawayxi, sasinwa David Choquehuanca, canciller jilatax yatiyawayi.

Evo Morales, jilĂŻr marka irpirix qhanañchawyarakiwa, wakisiw mayampi Chile markampix Silala umat aruskipt’añaxa, ukjamat purap markax mä aski amtaru puriñataki ukjamarus wakisispaw Chile markax mä qhawqhsa payllapxañapaxa.

Anchakiti purap markax mä amtaru puripxaspa, kunati Chile markax niya 100 jila maraw inaki Silala umxa apasiwayxi. Silala k’ila umax PotosĂ­ departamento uksanaw jikxatasi, Chile marka qurpasi jak’ana.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia