SOCIEDAD - MARKACHIRINAKTUQITA
Jichha marax UMSA jach’a yatxatañ utanx janiw matrícula universitaria chanipax payllataxaniti
Publicado el 07/02/2013

Khitinakati Universidad Mayor de San Andrés (UMSA) jach’a yatxatañ utan yatiqapki jupanakax jichha marax janiw matrícula universitaria chanipx payllxapxaniti, inakiw yatiqirinakax qilqt’ayasipxani.

Teresa Rescala, Universidad Mayor de San Andrés, jilïr irpiripax yatiyawayiwa: “Resolución 605 kamachirjamax jichha marax aka jach’a yatxatañ utan yatiqirinakax inakiw qillqt’ayasipxani, kunati janiw yatiqirinakan irpirinakapampis, yaqha jilïrinakampis aruskipt’atakiti. Mimärax pä tunka paqalquni bolivianos payllapxänxa (Bs. 27). Jichhax iraqtayañaw amtataski, ukampis sumpachaw aksatuqitix amuykipt’atarakini. Jach’a yatiqañ utanti qulqix jilpach utjaspa ukjax iraqtayataspawa, ukaw sumpach uñakipt’atañapa”, sasa.

Maysatuqita, Teófilo Ticona, Honorable Consejo Universitario (HCU) irpiripax arst’awyakirakitaynawa: “nänakax janiw kuns amtawayapkti, yatichirinakaw jan kuna payllañx amtasipki ukjamarus wakisispaw titulación, valores académicos, comedor taqi ukanakax inakixañapa, jan kuna payllasa. Ukstuqinakats sumpacharakiw amuykipt’añaspa”, sasina.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia