162 maranaka ut’asitapat amtapxi

Suyu Pacajes mä maramp phuqhI

Aka Departamento de La Paz  tuqin jikxatasi Suyu Pacajes kimsaqallqu  municipios ukhaniwa ukanakax aknirinakawa: Coro coro, Caquiaviri, Calacoto, Comanche, Charaña, Nazacara, Waldo Ballivian  ukhamaraki  Santiago de Callapa. 

Suyu Pacajes tuqinx kunayman muspkañanakaw utji  ukankiw Puya Raymundi,  Qala marka, juk’ampinaka. Ukanx jilpachax yapumpi uywampiw qamasipxi. Historia tuqit yatxatatanakax  aka suyun uraqipax juk’amp jach’anwa sapxiwa.

Jichhax aka  jutiri pä tunka kimsaqallquni urukipana aka achuqa (marzo) phaxsinx mä pataka suxta tunka payani maranaka suyu Pacajes tuqin  ut’asitapat amtañatakiw wakichapxi. Uka amtawix sarawinakaparjamax municipio Waldo Ballivian tuqinaw phuqhasini. Uksatx kullaka asambleísta Departamental suyu Pacajes tuqita  Bárbara Queso qhananchawayiwa: “Pacajes tuqiru ch’amanchañatakix uka urux mä kamachiw ut’atani aka Asamblea Departamental La Paz ukata    thakhi tuqit  ch’amanchañataki. Utjaniw  mä thakhi  municipio Calamarca Suyu Aroma tuqita jutasinx suyu Pacajes tuqnamaw  maykipani  municipios Comanche ukhamaraki Caquiviri ukarus puriniwa”