5.527 machaq marx thuqt'awinakamp katuqañ wakichapxi

Aka jutiri pä tunka mayani urunak maykipkana  mara t'aqa  (junio) phaxsinx, 5.527 maranak katuqañatakiw wakichasita. Ukhamakipanx kunayman tuqinakanaw wak'an chiqanakan katuqañatakix wakichapxi. Ukatx  yaqhip chiqanakanx  jiwasanakan thuqt'awinakasaw uñacht'ayata pachpa isthapt'awinakasamp thuqt'asisina.

Ukañkamax EL Alto markanx ukhamarakikiw  uka urutakix wakichata, sasaw Direcion de Cultura uksankirinakax yatiyawayapxi. Ukampis uka pachpa urunx  pä tuqinakanaw  willkan ch'amamp katuqasinx   jiwasanakan thuqt'awinakasax uñacht'ayatani sawayapxiwa. Mayirx Asociacion de Folkloristas 16 de julio tuqinkirinakaw ch'amanchapxani ukatx payir thuqt'awinaksti  Escuela Superior de Formación  de Maestros Tecnológico Humanistico El Alto tuqinkirinakarakiw kunkañchayapxani, sasinaw qhananchawayapxi.