Campo Gasífero Incahuasi tuqit ch’axwapxi

Chuquisaca markax qhurumpiw arsusi

Incahuasi khusu uma phuch’uta pä Departamentos  Santa Cruz  ukhamaraki Chuquisaca markanakax ch’axwapxi. Purap markanakaw uka phuch’ut khusu uma apsutanakatx qullqi jalaqtanakax markanakaparu puriñapa mayipxi. Ukampis nayrir urunakanaw mayni kamachi phuqhayirix sawayana,  Santa Cruz markaruw uka tuqit qullqi jalaqtanakax puriñapa sasina; ukhamakipanx Chuquisaca Departamento tuqinkirinakax qhurumpi thuqtasiña amtawayapxi,  ukhamana  uka  Incahuasi khusu uma phuch’uta  arsusiñataki.

Jichhax  Chuquisaca markankirinakax unxtasiwinakampiw chikañchasipxi ukhamarakiw thakhinaksa sit’antawayapxi. Jani ukhamaskañapatakix  marka irpirinakax amtawayapxiwa  askichawi thaqhaña.  Ukataw  marka irpirinakax  Chuquisaca markankirinakampi tantachasiwayapxi  ukanx pusi amuyunaka marka irpirinakax qhananchawayapxi.  Uka pusi amtawinakankiwa: mimarax kuntix Tribunal Constitucional sawayana uka purap markanakax phuqhapxañapa, kamachinakax qurpanakat sipanx janiw wakiskirikiti sawayapxiwa, qurpanakax uñakipatañapa amuyapxi, ukatx Muyupampa  phuch’ux irnaqayatañapa amtapxi.

Jichhax  ukanakatx  Chuquisaca markan irpirinakapax sawaypaxiwa, uñakipataniwa  kamsapchiniya markachirinakax, ukañkamax unxtasiwinakampi chikañchasiskañaki amtawayapxi.