Municipio Santiago de Callapa 24 maranak phuqhatap amt’apxani

Municipio Santiago de Callapa  ukax suyu Pacajes  Departamento de La Paz Bolivia markasan jikxatasi. Historia tuqi amthapisinx qhanstarakiwa, nayraqatax mä waranqa llätunka pataka kimsani (1903) maranx  pä tunka urukipana lapaka (noviembre) phaxsinx Cantón ukham ut’asiwayatapa. Ukasti mä Decreto Ley tuqi, kuna pachatix José Manuel Pando jupax Bolivia marka irptkana ukhaw ukham ut’asiwayi. Municipio Santiago de Callapa, kimsaqallquri Municipio suyu Pacajes tuqina, mä waranqa llatunka pataka llatunk tunka pusini (1994) maranaw  pä tunka suxtani urukipana qasawi (abril) phaxsin ut’asiwayi.  Kunapachatix markasanx Presidente Interino ukham Víctor Hugo Cárdenas irptkana ukha ut’asitapat yatisi. Aka  Municipio tuqinx yapumpi, uywampi irnaqasin qamasipxi.

Jichhax aka jutir  tunka suxtani ukhamaraki tunka paqallquni urunaka maykipkipana mara t’aqa (junio) phaxsinx, Municipio Santiago de Callapa pä tunka pusini maranak phuqhatap amt’apxani. Uka Municipio tuqin irpirinakapax qhanancht’awayapxarakiwa, uka urux mä wakichaw tuqiw amt’atani ukhamarakiw uka markan thuqt’awinakapas uñacht’ayatani sasina.