Bolivia markax laram quta mayiwit ch’ullqhinchi
![](https://www.radiosangabriel.org.bo/rsg/sites/default/files/field/elpais/Hayita.jpg)
Bolivia markax laram quta tuqit mayi Chile anqax markaru. Uka mayiwix aka urunakämax puriw Corte Internacional de justicia Haya ukakama. Uka tuqinkirinakax amtawayapxiw Bolivia marka ukhamaraki Chile markanakax ch’ullqhiñchapxañapa mayiwinakapa.
Ukhamarjamaw jichhurux tunka llatunkani urukipana achuqa (marzo) phaxsina qallarawayapxi aru tuqi ch’ullqhiñchawinaka utjañapa laram quta tuqit Bolivia markax maykipana. Uka amtawinx Bolivia markaw qalltawayi ukasti historia tuqi amthapisa,ukhamarakiw kunjamas amtawinakas nayra maranakan utjana Chile markampi ukanakas jani uka markata phuqhata utjawayki ukanaks qhananchawayiwa, Kikiparakiw kunjamas mä waranqa llatunka pataka pusini marana Chile markampix amtax utjana (tratado de 1904) uksa amthapiwayapxi qhananchasina jan ukampix laram quta tuqit mayiwix kunas askichatatapa.
Jichhax qharurus Bolivia markax ch’ullqhiñchaskakiniw Haya tuqina pachpa pacharu, Bolivia markanx phisqha willjtat qallantasina kimsa qallqu qhantatkama ukatsti Holanda markanxTunka pachat qalltasina maya jayp’ukamaw uka amtawix phuqhasini..